இலஞ்சம் பெற முயன்ற இராணுவ அதிகாரிகள் மூவர் கைது

263

சிலாபம் மற்றும் சீதுவை பகுதிகளில் போதைப்பொருள் வர்த்தகத்தை தொடர்வதற்காக இருவரிடம் இலஞ்சம் பெற முயன்ற இராணுவ அதிகாரிகள் மூவர் கைது செய்யப்பட்டுள்ளனர் என பொலிஸ் ஊடகப் பேச்சாளர் காரியாலயம் தெரிவித்துள்ளது.

இதற்கமைய சிலாபம் – மையக்குளம் பகுதியில் கஞ்சா மற்றும் ஹெரோயின் போதைப்பொருளை விற்பனை செய்து வந்த பெண் ஒருவரிடம் கப்பம் கோரிய இரு இராணுவ அதிகாரிகள் கைது செய்யப்பட்டுள்ளனர்.

சந்தேகநபர்கள் இருவரும் 15,000 ரூபா இலஞ்சம் பெற முற்பட்டபோதே இவ்வாறு கைது செய்யப்பட்டுள்ளனர்.

இதேவேளை சீதுவை பகுதியில் போதைப்பொருள் வர்த்தகத்தில் ஈடுபட்ட ஒருவரிடம் இருந்து கையூட்டல் பெற முயன்ற இராணுவ சிப்பாய் ஒருவரும் கைது செய்யப்பட்டுள்ளார்.

அவர் சுமார் 80,000 ரூபாவை கையூட்டலாக பெற முனைந்த போது கைதானதாக பொலிஸ் ஊடகப் பிரிவு தெரிவித்துள்ளது.

இதேவேளை கைது செய்யப்பட்ட இராணுவ சிப்பாய்கள் மூவரையும் பணிநீக்கம் செய்ய நடவடிக்கை எடுத்துள்ளதாக இராணுவ தளபதி ஜெனரல் ஷவேந்திர சில்வா தெரிவித்துள்ளார்.